泰國生活遊記：2999泰銖嘅Omakase體驗

雖然我本身冇試過Omakase，但係喺日本嘅時候，都去過唔少中等價錢嘅壽司店，所以對壽司嘅質素都有少少要求。今次老公帶我嚟試呢間Omakase，佢自己本身已經嚟過三次，價錢有1999泰銖（約HKD 451.54）同2999泰銖（約HKD 677.49）兩個選擇，我哋就揀咗2999套餐。成個體驗都幾驚喜，值回票價。

 門外既相片，呢間鋪係全預約制，不接受walk-in，需要事先比全單50%的費用，因為全部材料都係當日由日本空運過黎。

 

 

一坐低，服務員會先俾一杯welcomedrink，係桃子味汽水，酸酸甜甜幾開胃。

 

 

 跟住嚟嘅開胃菜係一個日式蒸蛋，上面有秋葵、三文魚子同埋少少日本松茸，層次感豐富，食完之後真係覺得暖胃又滿足。 

 

 

正式嘅Omakase過程就由第一道菜開始，師傅用咗少少泰式嘅方法醃製咗魚，帶有清新嘅酸味，又唔會過重，好特別。

 

 

 

之後逐樣逐樣上菜，包括Kampachi Carpaccio（鯧魚薄切）、Tarashirako（墨魚卵巢）、Uni（海膽）、金目鯛、蝦、大燈籠壽司、平目魚同埋我超鍾意嘅星鰻壽司。

 

 

最後收尾既甜品，基本上每次去食都會唔一樣，今次係檸檬雪芭伴長崎蛋糕

最後既熱食，係一個自製既麵鼓湯

個人最愛既日本海膽小型丼飯

和牛壽喜燒

 

最後有個和牛涮涮鍋，特製丼飯同魚蓋飯，配合時令食材，一共17款菜式，完成咗呢餐豐富嘅Omakase之旅。雖然份量對食量比較大嘅男士可能少咗啲，但對女士嚟講就啱啱好，完全唔會覺得唔夠飽。

 

個人最愛既海膽壽司

 

 

白子

其中最深刻嘅係白子（墨魚卵巢）同海膽，白子啖啖滑溜，好似入口即化咁；而海膽更加係超級無敵新鮮，冇一絲腥味，甚至連平時唔係好食海膽嘅老公都話好食。呢個細節係令我覺得呢間店非常用心嘅地方。

 

帶子天婦羅，一d都唔油膩

過程中有一個幾特別嘅規矩，壽司上到嘅時候係要用手接住直接食，唔需要用筷子。所以師傅會先俾條濕毛巾或者濕紙巾，俾你抹乾淨雙手。呢個小細節真係幾貼心，亦令整個用餐體驗多咗一份親切感。

 

 

 

 

由於一定要用手黎食，所以一去到會有凍既毛巾比你抹乾淨雙手

 

根據預約人數而備好的材料會放係廚師枱上比客人睇到，保證材料新鮮

 

 

 

總共有兩個師傅同時工作，全程戴住口罩，而且好似日本既壽司師傅一樣，係唔會戴手套，但佢會不停洗手同抹枱，保證衛生。而佢地每一次遞壽司比你，都會話你知係咩壽司(日文拼音)。

 

場內環境非常乾淨衛生，有去左日本既錯覺：

餐桌全相，雙頭筷子係比你分開夾生同熟既食物，有一杯茶、一杯水，比你清口用。

食完之後，我哋行咗去隔離嘅Central Festival商場，嚟個甜品大結局。總括嚟講，以2999泰銖嘅價錢喺泰國食到咁高質素嘅壽司真係難得，如果你係壽司迷，又想試Omakase，可以考慮嚟試下！

 

菜單會隨住不同季節變化，可以睇下佢地個Facebook: 

https://www.facebook.com/gokana.omakase/

 

GŌKANA OMAKASE

地點：https://maps.app.goo.gl/T7XAA6pirjrGzYTn7 

 

Omakase 喔媽家姐 壽司 sushi 清邁 香港人在清邁 香港人在泰國 泰國旅遊 泰國生活 chiangmai hkinchiangmai